Путин шокиран од ситуацијата! Додик ја пренесе впечатливата порака на рускиот лидер: Ова мора да се направи…

Претседателот на Република Српска Милорад Додик изјави дека со рускиот претседател Владимир Путин разговарал за потребата да се стави крај на меѓународниот интервенционизам во Босна и Херцеговина, нагласувајќи дека странските сили ја претвориле БиХ во „невозможна земја“, додека Русија е единствениот објективен актер во Советот за безбедност на ОН.

– Тој вели дека е запознаен со тоа дека има некој странец кој прави секакви работи, одлучува, дека има некои судови кои постапуваат по тие одлуки. Русија е гарант на Дејтонскиот договор , но тоа што се спроведува денеска не е Дејтон –  посочи Додик.

Според неговите зборови, Путин бил изненаден кога слушнал дека обвинителството и судот во Босна и Херцеговина функционираат надвор од уставните одредби и без согласност на конститутивните народи.

– Беше изненаден што такво нешто воопшто постои во светот –  рече Додик и додаде дека Путин посочил дека странците ја направиле Босна и Херцеговина „невозможна земја“.

Русија е единствената поддршка во Советот за безбедност на ОН

Додик нагласи дека со рускиот претседател разговарал и за потребата од следење на активностите на Советот за безбедност на Обединетите нации, каде, како што рече, Русија е единствената сила од која може да се очекува објективен пристап.

– Разговаравме за неопходноста од укинување на меѓународниот интервенционизам, кој ја деградираше Босна и Херцеговина и ја претвори во невозможна земја –  нагласи Додик.

Реакција на Путин на барањата за апсење

На прашањето како Путин реагирал на барањата за негово апсење, Додик објасни дека за тоа детално го информирал.

– Кога патував од Република Српска во Израел на одредени средби, мојот престој таму ги иритираше муслиманите во Сараево. Тие практично ги испаничија и покренаа механизам преку Интерпол – рече Додик и додаде дека побарал од рускиот претседател да го земе предвид.

Тој им се заблагодари и на Србија, Унгарија и другите земји кои реагираа на тој случај, оценувајќи дека се работи за политички прогон.

– Во Сараево повеќе би сакале да ме видат уапсен, а веројатно и мртов. Тоа е политички процес, измама и цинизам –  нагласи Додик.

Напади поради односите со Русија и Србија

Зборувајќи за позадината на притисоците, Додик рече дека неговиот повеќедецениски политички ангажман и добрите односи на Република Српска со Русија и Србија се очигледно трн во око на политичко Сараево.

– Република Српска не дозволи воведување санкции против Русија, па Босна и Херцеговина формално не воведе антируски мерки. Тие не можат да прифатат дека РС постои. Им пречам затоа што ја водам Српска 20 години, па сега се обидуваат да се ослободат од мене –  изјави Додик.

Целта е враќање на оригиналниот Дејтон

Додик истакна дека се залага за враќање на првобитниот Дејтонски договор и изградба на функционална БиХ во која сите народи ќе имаат еднаков статус.

-Тоа не го сакаат во Сараево. Ме обвинуваат за уривање на Дејтон, а всушност самите му ги рушат сите темели. Тоа што сега се обидуваат да ме демонизираат по средбата со Путин е дел од пошироката стратегија за добивање поддршка од глобалистичко-либералните центри од Брисел –  заклучи Додик.