Ракетата „Фалкон 9“ на „Спејс Екс“ го заврши 500-тото слетување

SpaceX, компанијата основана од милијардерот Илон Маск, испорача 28 нови сателити Starlink во орбитата користејќи ракета Falcon 9, по што следеше јубилејното 500-то слетување.

Ракетата беше лансирана од Вселенскиот центар „Кенеди“ во Флорида од лансирната рампа 39А, а 8,5 минути по полетувањето првата фаза од ракетата слета на беспилотниот брод „Само прочитајте ги упатствата“. Тоа беше 27-мо успешно слетување за овој ракета-бустер, но и 500-то слетување на ракета од орбитална класа. SpaceX моментално има две оперативни ракети од орбитална класа, Falcon 9 и Falcon Heavy.

Втората фаза на ракетата испорача група сателити „Старлинк“ познати како Група 10-57 по еден час и четири минути полетување.

Мегасоѕвездието Старлинк сега содржи повеќе од 8.370 активни сателити.

Ова беше 111-та мисија за „Фалкон 9“ во 2025 година, или неговиот 529-ти орбитален лет од 2010 година.