РАКЕТЕН НАПАД НА КИЕВ: Одекнуваат експлозии, африкански мировници во главниот град на Украина додека руските Калибри долетуваат од морето

Експлозии одекнуваат во украинскиот главен град Киев поради руските воздушни напади со проектили и беспилотни летала додека африканските лидери се во градот во обид да извршат мировна мисија.

Британски Гардијан јавува дека украинските медиуми пишуваат за експлозиите во Киев. Се вели дека локалните власти известиле дека противвоздушната одбрана работи против непријателските ракети.

Се наведува дека овој напад се случил набргу откако јужноафриканскиот претседател Сирил Рамафоса пристигнал во главниот град на Украина како дел од мировната делегација од Црниот континент, која подоцна треба да ја посети Москва.

Гардијан објави дека сирените за воздушен напад се слушаат низ поголемиот дел од Украина како вести за истрелување на крстосувачки ракети Калибр од руски воени бродови во Црното Море.