Растат цените на авиобилетите во Европа
Цените на авионските билети во Европа растат многу посилно од потрошувачките цени во целина, објави Меѓународниот совет на аеродроми на Европа , што е спротивно на изјавите на Меѓународната асоцијација за воздушен транспорт.
Здружението нa Меѓународната асоцијација за воздушен транспорт, кое претставува околу 300 авиопревозници, објави дека цените на билетите се зголемуваат побавно од инфлацијата. Надоместоците за операторите на аеродромот се зголемија повеќе од другите услуги и производи, утврди Меѓународната асоцијација за воздушен транспорт.
– Меѓународната асоцијација за воздушен транспорт тврди дека цените на авионските билети во Европа заклучно со јуни биле само 16 отсто повисоки од 2019 година, а независните и авторитативни податоци на RDC покажуваат дека порастот во најфреквентните летни месеци бил 38 отсто – стои во соопштението на ACI Europe. .
Нагорниот тренд продолжи и во октомври, објави ACI, додавајќи дека цените на билетите, кога се резервирале три месеци однапред, пораснале за дури 47 отсто.
На почетокот на месецот финансискиот весник Фајненшл тајмс објави дека превозниците се под притисок од ЕУ поради поскапувањето на билетите.
