Рашфорд дефинитивно го напушта Олд Трафорд! Милан ита по нов напаѓач: Италијанците наскоро ќе тргнат во тотална офанзива (фото)

Се очекува Милан наскоро да стапи во контакт со Манчестер Јунајтед во врска со доведувањето на напаѓачот на англискиот клуб, Маркус Рашфорд.

Милан е заинтересиран и за дефанзивецот на Манчестер Сити, Кајл Вокер, но бидејќи на секој клуб во Серија А му е дозволено да регистрира само по еден англиски играч, доведувањето на Рашфорд е приоритет на италијанскиот клуб, објави денеска Скај.

За Рашфорд е заинтересирана и Борусија Дортмунд, но се верува дека бараната плата од англискиот напаѓач би била преголем проблем за германскиот клуб.

Рашфорд ги пропушти претходните седум натпревари на Јунајтед, а менаџерот на клубот од Манчестер, Рубен Аморим изјави дека не знае дали англискиот напаѓач ќе продолжи да биде дел од неговиот тим.

Рашфорд (27) забележа 426 настапи и постигна 138 голови за Манчестер Јунајтед каде игра целата своја кариера.