Реал Мадрид му врти грб на Лука Модриќ !? Хрватот би можел да заврши во редовите на друг фудбалски гигант од Стариот континент

Иднината на Лука Модриќ на „Сантијаго Бернабеу“ се уште е неизвесна. Актуелниот договор на хрватскиот капитен со Реал Мадрид истекува во јуни, а „Кралскиот клуб“ не само што не му понудил нов, туку се уште не започнал прелиминарни разговори за можно продолжување на соработката.

Поради сето ова, се погласни се шпекулациите дека 37-годишниот играч од средниот ред би можел да го напушти Мадрид како слободен играч на лето, а шпанските спортски весници пишуваат дека неговата нова дестинација за игра би можела да биде – Јувентус.

Шпански весник специјализиран за движењата на фудбалскиот пазар тврди дека постои можност Масимилијано Алегри да биде заменет со Зинедин Зидан на крајот од сезоната и дека таквиот пресврт на настаните може да биде еден вид поттик за доаѓање на Модриќ во редовите на торинскиот гигант.

„Доаѓањето на Зидан може да го донесе и Модриќ во Јувентус, кој најверојатно ќе го напушти Реал на крајот на сезоната. Јувентус би можел да го доведе Модриќ без обештетување“, пишуваат Шпанците и потсетуваат на одличниот однос што го имале Модриќ и Зидан за време на нивната соработка.

„Понудите од МЛС и Обединетите Арапски Емирати се интересни, но Модриќ на крајот би можел да ги избере Јувентус и Зидан“, тврдат шпанските спортски весници.