Реал повеќе не ја смета Барселона за конкурент за играчи

Реал Мадрид повеќе не ја смета Барселона за ривал кога се во прашање трансферите објави „Марка“.

Реал сега се натпреварува со таканаречените „клуб-држави“, а Барселона не може да им се доближи во борбата за посакуваните играчи. Реал Мадрид повеќе не ја смета Барселона за конкурент, не само во однос на трансферите, туку и во многу други ситуации.

„Кралскиот клуб“ е уверен дека по трансферот на Килијан Мбапе, ниту еден од сегашните фудбалери на тимот нема да мора да биде продаден. Згора на тоа, Французинот нема да биде единствениот дебитант во Реал Мадрид претстојното лето.

„Марка“ сè што се случува во Барселона го нарекува „постојана импровизација поврзана со деликатната економска ситуација“. Челниците на Реал Мадрид и Барселона знаат колку е голема оддалеченоста меѓу клубовите сега. 

Забележано е дека Каталонците во различни периоди сакале да ги ангажираат Винисиус, Родриго, Џуд Белингем, Арда Ѓулер, Ендрик и Килијан Мбапе, но сите овие играчи завршиле или ќе завршат во Реал Мадрид. Сега Барса се обидува да го донесе во своите редови Ерлинг Халанд, иако и челниците на клубот и спортскиот директор знаат дека неговиот трансфер е невозможен.