Роберт де Ниро стана татко по седми пат, не сакаше да открие која е мајката на детето

Холивудскиот актер Роберт де Ниро оваа недела даде интервју за ET Canada, каде случајно откри дека станал татко по седми пат.Имено, за време на интервјуто, новинарот го прашал Де Ниро како е да се биде татко на шест деца, а тој одговорил дека неодамна повторно станал татко и открил дека тајно го чекал раѓањето на седмото дете.

Сепак, 79-годишниот актер не сакаше да го открие ниту полот, ниту името на детето. Тој дури и не го откри идентитетот на својата мајка, а медиумите последен пат го поврзаа со инструкторката по боречки вештини Тифани Чен, со која беше виден на одмор во Шпанија во јули минатата година.

Со поранешната сопруга Грејс беше женет двапати, од 1997 до 2003 година, а тие ги обновија заветите и повторно се венчаа една година подоцна. Тие поднеле барање за развод во 2018 година. Во 2021 година, судот пресуди дека актерот треба да и плаќа на поранешната сопруга милион долари годишно и дека парот ќе ги подели приходите по продажбата на нивниот дом вреден 20 милиони долари.

Потсетуваме дека Роберт Де Ниро со првата сопруга Дијана Абот ги има ќерката Дрена (51) и синот Рафаел (46). Тој е исто така татко на синовите близнаци Арон и Џулијан (27) со неговата поранешна девојка Туки Смит, а има и син Елиот (25) и ќерка Хелен (11) со поранешната сопруга Грејс Хајтауер.