Роналдо купи позната компанија: Вработените ги чекаше изненадување

Кристијано Роналдо ја презеде медиумската куќа „Кофина Медија“ со која во минатото често имаше несогласувања поради нарушување на неговата приватност.

Португалската ѕвезда за споменатата компанија одвои 57.000.000 евра, а првиот чекор на Кристијан беше да им подели богати бонуси на сите вработени работници. Секој од нив добил чек од 1.250 евра, како благодарност за посветената работа.

„Вработените добија известување преку електронска пошта за исплата на бонус. Тоа е знак на благодарност до сите кои се дел од оваа голема компанија“, пишуваат португалските медиуми.

Компанијата, која вклучува бројни списанија и водечката мрежа CMTV, во минатото честопати беше вмешана во судски спорови со Роналдо, кој ги тужеше 11 пати.

Новинарите на „Кофина медиа“ често мораа да го следат приватниот живот на португалскиот напаѓач, а сега тој одлучи да ја купи нивната компанија и да ги задржи сите вработени. Сепак, тој промени една работа.

“Единствената промена е поврзана со името. Сега ќе се вика “Expressao Livre”. Ни е непријатно поради сето она што се случувало во минатото, но никој не се плаши да не остане без работа”, рекол еден од вработените и додал :

“Знаеме дека често сме го малтретирале, со или без причина, но тој ја разбира нашата работа. Спортските новинари имаат особено среќа. Секој што мисли дека Роналдо ќе отпушти некого е во заблуда”, додал вработената во компанијата.