Русите лансираат апликација што ќе ги замени WhatsApp и Telegram

Во обид да ги зајакне своите дигитални граници, Русија лансираше национална услуга за пораки која треба да се натпреварува со странските гиганти како што се WhatsApp и Telegram , објави во петокот Сергеј Бојарски, претседател на Информативниот комитет на рускиот парламент.

Бојарски го опиша лансирањето на апликацијата како одлучувачки чекор во обезбедувањето на дигиталната инфраструктура на земјата. Создавањето национална мултифункционална услуга, уникатен дигитален екосистем, ќе ја затвори последната празнина во нашата дигитална безбедност , рече Бојарски, а јави турскиот портал Анадолу.

Целта на иницијативата е да се заменат странските апликации со модерно домашно решение кое овозможува поголема контрола врз податоците и комуникацијата.

Конкуренција, а не забрана

WhatsApp и Telegram можат да продолжат да функционираат, доколку целосно ги почитуваат нашите закони. Но сега тие повеќе нема да имаат предност поради недостатокот на конкуренција, објасни Бојарски, отфрлајќи ги тврдењата за задушување на странските апликации.

Според него, ова е потег што е дел од пошироката дигитална трансформација на Русија , која вклучува домашна е-администрација, локални социјални мрежи и системи за електронско банкарство . Во многу други земји, обидите за воведување слични системи штотуку започнуваат, истакна тој.

Овој проект го потврдува растечкиот фокус на Русија на дигиталниот суверенитет.