Русите му го отсекоа увото на уапсебиот терорист! Застрашувачка снимка: Војниците го соборуваат на земја во шумата, па вадат нож (ВОЗНЕМИРУВАЧКО)
Припадник на руската служба за безбедност по апсењето му го отсекол увото на еден од осомничените за терористичкиот напад во Москва!
На ужасното видео кое трае десет секунди се гледа како еден од осомничените лежи врзан на земја, а маж во маскирна униформа со нож му отсекува дел од увото и му го става во уста.
Осомничениот го плукна увото од неговата уста, но еден од припадниците на безбедносните служби му се заканува дека слична процедура ќе му биде извршена и на неговиот пенис.
На социјалните мрежи кружат уште две видеа со истиот маж.
На едната се гледа како војниците го извлекуваат од шумата додека десната половина од лицето му е облеана во крв. Видеото го објави рускиот функционер Владимир Рогов.
– Еден од терористите приведени во Брјанска се обиде да побегне во шумата, но нашите безбедносни сили го фатија за уши – се вели во соопштението.
Неколку часа подоцна, федералните медиуми објавија видео од сослушувањето на осомничениот во автомобилот. Се гледа дека главата му е преврзана.
– Јас сум тука! Ви остана уште едно уво – се слуша како некој му вели.
За време на сослушувањето, осомничениот за терористичкиот напад во Москва, кој се претставил како Раџаб Ализаде, изјавил дека оружјето го фрлил на пат кон Брајанск заедно со неговите соучесници.
Засега никој од руските официјални лица не ја коментирал снимката на која се гледа како е отсечено увото.
Група терористи, да потсетиме, во петокот околу 20 часот упаднаа во концертната сала „Крокус“ во северозападниот дел на Москва и отворија оган врз толпата. Терористите пукаа во луѓе од непосредна близина, а потоа ја запалија салата.
Според последните податоци на Истражниот комитет, загинале 137 лица, меѓу кои три деца, а 180 лица се повредени.
Путин го прогласи 24 март за ден на национална жалост.
Терористите биле уапсени во саботата околу 3 часот по полноќ додека бегале кон границата со Украина.
