,,Русија може да ја нападне Германија, на Европа ја чека нова војна!” Командантот на Бундесверот предупреди: „Не сме доволно опремени…“

Генералот на Бундесверот Карстен Брејер, командант на германските вооружени сили, рече дека стравува дека Русија може да ја нападне Германија и да започне војна.

Во интервју за Frankfurter Allgemeine Sontagskeitung, Бројер рече дека е загрижен што Русија „се превооружува во моментот“ .

Тој додаде дека Германија ќе мора да се навикне на можноста „еден ден да треба да води одбранбена војна“.

Бројер беше прашан и дали германската армија ќе може да се справи со евентуален руски напад врз НАТО, чиј дел е и Германија.

– Да. Точка. Немаме алтернатива. Можеме да се браниме и ќе се браниме – рече генералот.

Сепак, Бројер призна дека германската армија има недостатоци кога станува збор за националната и сојузничката одбрана, бидејќи со години е фокусирана на меѓународниот кризен менаџмент.

– Сега гледаме Бундесвер кој сè уште не е доволно опремен за војна – рече тој и додаде дека има „структури кои прават брзи и насочени одлуки речиси невозможни“.