‘Рчењето за време на спиењето може да биде знак за оваа болест

Срцевите заболувања се главна причина за смрт во светот, особено во последно време. Но, анкетата на Харис за Американското здружение за срце покажа дека 51% од Американците не ја знаеле оваа статистика.

„Срцевите заболувања можат значително да се намалат ако можеме да ги спречиме факторите на ризик“, вели кардиологот Шаран Шарма.

Но, дали знаевте дека спиењето и конкретно ‘рчењето може да бидат знак за проблем со срцето?

‘Рчењето не е само нервоза за секој партнер во кревет, туку нешто што е поврзано и со срцето. „Рчењето може да биде знак за апнеја при спиење“, објаснува д-р Шарма, пишува Парад.

„Оваа состојба е поврзана со различни срцеви заболувања како што се атријална фибрилација, хипертензија и стегање на срцето.

Студијата од 2024 година на повеќе од 12.000 луѓе објавена во Nature покажа дека редовното ‘рчење го зголемува ризикот кај луѓето од неконтролиран висок крвен притисок. Апнеја е целосно отсуство на проток на кислород најмалку 10 секунди.

‘Рчењето може да биде и знак за пад на протокот на воздух познат како „хипопнеа“ кој исто така трае 10 или повеќе секунди. И двете имаат последици кои можат да бидат штетни за срцето.

„Ова нарушување го зголемува стресот или хормоните како кортизон и адреналинот“, вели докторот Леонард Пјанко.

„Овој хормонски наплив го зголемува вашиот крвен притисок и отчукувањата на срцето и може постојано да го оптоварува вашиот кардиоваскуларен систем, предизвикувајќи срцев удар“, цитира Анабел.

Дали ‘рчењето секогаш е знак за срцеви заболувања?

Лекарите ги советуваат луѓето да обрнат посебно внимание на ‘рчењето бидејќи тоа е поврзано со срцеви заболувања доколку е придружено и со:

▪ Дишење што престанува за време на спиењето
▪ Прекумерна дневна поспаност
▪ Тешкотии со концентрирање
▪ Утрински главоболки
▪ Болки во грлото по будењето
▪ Висок крвен притисок