САД ќе ги зголеми од 25% на 100% царините за кинеските електрични возила

– Како потенцијален поттик за нова трговска војна со Пекинг, администрацијата на американскиот претседател Џо Бајден денес ги зголеми царините за кинески увоз во вредност од 18 милијарди долари.

Во соопштението за печатот на Белата куќа се наведува дека станува збор за „заштита на американските работници и бизниси“.

„Неправедните трговски практики на Кина поврзани со трансфер на технологија, интелектуална сопственост и иновации ги загрозуваат американските бизниси и работници“, се вели во соопштението, додавајќи дека Пекинг „ги преплавува глобалните пазари со извоз на вештачко ниски цени“.

Во соопштението се наведува дека тарифната стапка на полупроводниците ќе се зголеми од 25 на 50 отсто до 2025 година.

Вашингтон годинава ќе ги зголеми тарифите за кинеските електрични возила од 25 на 100 отсто.

Се додава дека годинава тарифната стапка на литиум-јонските батерии за електрични возила ќе се зголеми од 7,5 на 25 отсто.