ВИДЕО | ВОЗНЕМИРУВАЧКО – Хорор во Израел: Трудница…

Симеоне С

ФОТО | Овој фустан е тема број еден во светот на модата:…

Симеоне С

Макрон: Прашањето за Косово е залог за иднина на регионот

Рамазан

Самсоненко на црната листа, “Леси се враќа” во СДСМ, Мицкоски останува без “коалициониот партнер”: Зошто Америте го “ставија” Заев во “руско друштво”!?

МакедонијаПолитикаТоп Тема
Од Во Центар

Денес, U.S. Department of the Treasury’s Office of Foreign Assets Control (OFAC) или по нашки Министерството за финансии на САД назначи осум лица и шест субјекти во согласност со Извршната наредба (E.O.) 14033 поврзана со Западен Балкан и E.O поврзана со Русија. 14024. Во координирана акција, Стејт департментот на САД, исто така, назначи две физички лица и 12 ентитети во согласност со Е.О. 14024. Или преведено завршија на американската црна листа.

„Русија продолжи да го користи своето влијание на Западен Балкан за да ја спречи интеграцијата на регионот во меѓународните институции и организации…, за да ги олесни нејзините агресивни дестабилизирачки активности“, рече потсекретарот на Министерството за финансии за тероризам и финансиско разузнавање Брајан Е. Нелсон. „Денешната акција ги потврдува пошироките напори на Владата на САД за промовирање на мирот, стабилноста и функционалното демократско владеење во регионот на Западен Балкан.

Иако во македонската јавност најмногу се коментира ставањето на рускиот тајкун Сергеј Самсоненко на американската црна листа, за политичките разврски во Македонија, најголема улога ќе има “поцрнувањето” на Миодраг Дака Давидовиќ кој пред две години беше топ тема кај нас и во регионот. Еве што се вели за случајот Давидовиќ:

Миодраг „Дака“ Давидовиќ (Давидовиќ) со децении перел пари за криминални организации, зајакнувајќи го своето влијание и вршејќи шверц со цигари, нафта и оружје во Црна Гора. Неговите коруптивни активности ги овозможија напорите на Русија да ја компромитира независноста на демократските институции и судството во земјата, вклучително и нејзините напори да влијае на изборните резултати. Тој беше вмешан и во скандалот што доведе до апсење на генералниот секретар на Владата на Северна Македонија, Драги Рашковски, главен играч на поранешниот премиер на Северна Македонија, Зоран Заев. Рашковски наводно примил поткуп од Давидовиќ за да има средба со премиерот Заев за да ги унапреди бизнис интересите на Давидовиќ. Од 1991 до 1992 година, Давидовиќ беше министер за трговија во владата на самопрогласениот Српски автономен регион (РС) на БиХ.

Во продолжение го премесуваме во целост делот кој се однесува на ставањето на Самсоненко на црната листа:

Сергеј Самсоненко (Самсоненко) е двоен државјанин на Русија и Северна Македонија и богат бизнисмен кој живее во Северна Македонија. Помеѓу 2017 и 2018 година, Самсоненко и неговата сопруга, Ирина Самсоненко (Ирина), исто така двојна државјанка на Русија и Северна Македонија, купиле земја од СДН Јордан Камчев (САД го назначиле Камчев на 19 јули 2023 година во согласност со E.O. 14033 за одговорен за или соучесник во, или директно или индиректно ангажиран во, корупција поврзана со Западен Балкан). Оваа набавка на крајот го поттикна Самсоненко да сведочи пред судот во Северна Македонија за време на судскиот процес „Парцели на Водно“ во кој и Камчев и неговата мајка Ратка Куноска Камчева (Камчева) беа обвинети за перење пари. Во 2021 година, Самсоненко извршил исплати на неговата сопруга Ирина. Во истиот рок, Ирина префрлила пари на Камчев Консалтинг Скопје ДООЕЛ (Камчев Консалтинг) и Орка Фајнанс Скопје ДООЕЛ (Орка Фајнанас); двете компании се поврзани со Камчева. Исто така, во истиот временски рок, парите што им беа префрлени на Камчев Консалтинг и Орка Фајнанас беа искористени за плаќање на заем поврзан со Орка Холдинг АД (Орка Холдинг), компанија поврзана со Јордан Камчев. Дополнително, Самсоненко и Ирина ја купија фирмата Систина Лајф Кеар Сентар Скопје ДООЕЛ (Систина Лајф Кеар Сентар), друг субјект вмешан во судскиот процес „Парцели на Водно“, од Камчев и Камчева. Конечно, Бет Сити Интернационал ДОО Скопје (Бет Сити), спортска обложувалница, половина е во сопственост на Самсоненко, а половина сопственост на Орка Холдинг, чиј директор е СДН Јордан Камчев.

Самсоненко, Ирина и Камчева се именувани согласно Е.О. 14033 за материјално помагање, спонзорирање или обезбедување финансиска, материјална или технолошка поддршка или стоки или услуги или за поддршка на Јордан Камчев, лице чиј имот и интереси во имот се блокирани согласно Е.О. 14033. Систина Лајф Кеар Сентар се определува согласно Е.О. 14033 за тоа што е во сопственост или контролирана од, или дејствувала или наводно дејствувала за или во име, директно или индиректно, Ирина, лице чиј имот и интереси во имотот се блокирани во согласност со Е.О. 14033.

Бет Сити е назначен во согласност со Е.О. 14033 затоа што се во сопственост или контролирани од, или дејствувале или наводно дејствувале за или во име, директно или индиректно, Самсоненко и Камчев, лица чиј имот и интереси во имот се блокирани согласно Е.О. 14033.

Орка Холдинг АД е конгломерат поврзан со Камчев кој работи во широк спектар на индустрии. „Орка Фајнанас“ и „Камчев Консалтинг“ се компании за консултантски услуги и деловни услуги во рамките на мрежата „Камчев“ и се во сопственост на Камчева.

Орка Холдинг се назначува согласно Е.О. 14033 затоа што е во сопственост или контролиран од, или дејствувал или наводно дејствувал за или во име, директно или индиректно, Камчев, лице чиј имот и интереси во имот се блокирани согласно Е.О. 14033. Орка Фајнанас и Камчев Консалтинг се определуваат согласно Е.О. 14033 дека е во сопственост или контролирана од, или дејствувал или наводно дејствувал за или во име, директно или индиректно, Камчева, лице чиј имот и интереси во имот се блокирани согласно Е.О. 14033.

Иако на прв поглед, главната мета е Самсоненко, всушност целата операција како да е направена да му се испрати порака на Зоран Заев дека за американската политика на Балканот се неприфатливи неговите контакти и коалицирање со лидерот на опозицијата, Христијан Мицкоски!? Минатата недела имаше текстови во некои медиуми дека Заев им се заканувал на Ковачевски и раководството на СДСМ, дека ќе влезе во прес салата на Бихачка и ќе ја информира целата јавност за тајните преговори за враќање на Груевски. Сега стигаат информации дека се анализираат контактите на Заев во Грција, Бугарија, со некои албански тајкуни и политичари…После ова е јасно дека од Вашингтон му порачаа на Заев дека треба на мала врата “да се врати во СДСМ” ( од каде што формално правно никогаш и не заминал ) и да ја прифати реалноста дека е поранешен премиер и лидер на партијата. Исто така да заборави на диловите и пактовите со Мицкоски и олигархијата за рушење на власта, како и “спец операциите” од типот Беса Адеми.

Тоа што е суштината на целата операција е дека Заев сега за прв пат се става во контекст на руското влијание во регионот!? Оправдано или неоправдано ќе покаже времето или истрагите!?

Во исто време на американската црна листа е ставено и лицето Брано Мичуновиќ, кој е повеќе од 30 години газда на Црна Гора и неформален шеф на целата пајажина која ја имаше изградено Мило Ѓукановиќ. Според изјавите на познатиот мешетар и познавач на подземјето, Велибор Џаровски Џаро, Брано бил куќен пријател со лицето М. З. кој е сега еден од клучните функционери во партијата на власт, а во последно време е видлива неговата добра комуникација со Зоран Заев. Истото лице М.З. беше на клучна функција во банката на Јордан Камчев, а во јули оваа година не доби зелено светло од Народната банка на Македонија за реизбор на таа фуинкција. Имаше шпекулации во јавноста дека лицето М.З. се појавува на фонот на некои активности во доказни портали каде наводно се нарачувани текстови против Дака Давидовиќ кој на изборите во август 2021 година требаше да ја предводи коалицијата за рушење на Мило Ѓукановиќ, а со тоа и на Брано Мичуновиќ!? Но тоа се уште не е докажано!?

Во Центар 796 текстови 0 коментари
Слични наслови Повеќе од Авторот