СВЕТОТ Е НА ЧЕКОР ПРЕД ТОТАЛНА ВОЈНА !? САД извршија серија напади над Сирија – Џо Бајден издаде наредба: “Ова е знак на одмазда!“

Два американски воени авиони извршиле напади врз објекти за оружје и муниција во Сирија во петокот како одмазда за нападите поддржани од Иран врз американските сили во регионот.

Претседателот на САД, Џо Бајден, наредил напади врз два објекти што ги користи Корпусот на Исламската Револуционерна Гарда (ИРГЦ), соопшти Пентагон, предупредувајќи дека САД ќе преземат понатамошни дејствија доколку продолжат нападите од иранските посредници.

Американските и коалициските трупи беа нападнати најмалку 19 пати во Ирак и Сирија минатата недела од силите поддржани од Иран. Техеран ги поддржува Хамас, Исламскиот Џихад и либанскиот Хезболах. Министерот за надворешни работи на Иран, Хосеин Амирабдолјан, изјави во четвртокот во Обединетите нации дека доколку израелската офанзива против Хамас не престане, САД „нема да бидат поштедени од оган“, пишува медиумската агенција Reuters.

Американските воздушни напади беа извршени околу 04:30 часот по локално време во петокот во близина на Абу Камал, сириски град на границата со Ирак, со два борбени авиони F-16 кои користеле прецизна муниција, пренесуваат светските медиуми.

„Овие прецизни напади за самоодбрана се одговор на серијата тековни и главно неуспешни напади врз американскиот персонал во Ирак и Сирија од страна на групи поддржани од Иран, кои започнаа на 17. октомври“, потврди американскиот секретар за одбрана Лојд Остин во соопштението.

САД испратија воени бродови и борбени авиони во регионот во последните три недели. Пентагон во четвртокот соопшти дека уште околу 900 американски војници пристигнале или се упатуваат на Блискиот Исток за да ја зајакнат воздушната одбрана на американскиот персонал.