СВР Охрид: Четиригодишно дете почина во струшката болница

Четиригодишно дете утрово почина на Детското одделение во Струшката болница, соопшти денеска Секторот за внатрешни работи Охрид.

Според информации, случајот во полиција бил пријавен околу 09:50 часот од медицинскиот персонал на струшката општа болница.

„Медицински персонал од Општата болница во Струга е известен дека на Детското одделение во болницата било донесено четиригодишно дете од Струга, кое извесно време било во тешка здравствена состојба. И покрај итната лекарска помош тој почина“, изјави портпаролот на СВР Охрид, Стефан Димоски.

Надлежните додаваат дека полицијата во координација со јавен обвинител презема мерки за целосно расчистување на случајот.