СДСМ во јуни ќе го избере новиот претседател

СДСМ во јуни ќе го избере новиот претседател. Внатрешните партиски избори ќе ги одржи Централната изборна комисија, по оставката што Димитар Ковачевски ја врачи на синоќешната седница на Извршниот одбор.

Во наредните денови ќе се формираат работни групи „за пријавување на активни членови за гласање на непосредни избори“.

Според Статутот на партијата, потребно е да се направи изборен список со имињата на сите членови кои имаат право на глас за новото претседателство. Претседателскиот кандидат мора да освои мнозинство од вкупниот број членови кои гласале. Ако тоа не се случи, се оди во втор круг со првите двајца кандидати и победува оној со најмногу гласови.

На натпреварот се очекува да учествуваат Јован Деспотовски, Петре Шилегов, Венко Филипче, Славјанка Петровска, Стефан Богоев и други.

На изборите ќе им претходи одговорен конгрес. Таму треба да се анализираат најлошите изборни резултати во историјата на партијата: 154 илјади гласови и само 18 пратеници.