СДСМ: Враќањето на Коце Трајановски е враќање во 2016 година

СДСМ реагираше по именувањето на Коце Трајановски за директор на Јавното претпријатие за државни патишта. Од СДСМ велат дека со оваа одлука Владата се движи кон 2016 година.

„ВМРО-ДПМНЕ го враќа градоначалникот кој го направи најголемиот градежен криминал во историјата на државата, проектот Скопје 2014, му се даваат 600 милиони евра и овластувања да раководи со најголемите инфраструктурни и градежни проекти.

„Воедно, Коце Трајановски е косопственик и управител на фирмата Косистеми ДОО чија дејност опфаќа и градежништво. Ова е најава за масовна корупција во ова претпријатие“.

„Ова не е промена, туку пресврт. Граѓаните не гласаа за враќање назад, туку за промена која воопшто не се случува и нема веројатност да се случи“, велат од СДСМ.