Секој со своите проблеми – Исланд е погоден од недостиг на краставици поради трендот на TikTok

Исландските супермаркети се погодени од недостиг на краставици, што се случи поради тренд на социјалната мрежа ТикТок.

Имено, инфлуенсерите на гореспоменатата социјална мрежа споделуваат рецепт за салата од рендани краставици, масло од сусам, лук, ориз оцет и чили. Според Здружението на исландски фармери, рецептот станал толку популарен што локалните фармери не можеле да ја следат растечката побарувачка.

Но, еден од синџирите на супермаркети Hagkaup ја доведе во прашање врската помеѓу побарувачката и споменатиот тренд, признавајќи дека откупот на краставици е повеќе од двојно зголемен. Земјоделците очекуваат за седум дена да се нормализира снабдувањето со краставици, а посочија дека споменатиот рецепт станал толку популарен што се распродадени и останатите состојки од тој рецепт.

Овој тренд на социјалните мрежи има свои корени во Канада, каде што тиктокерот Логан Мофит, наречен „човек од краставици“, споделува рецепти кои вклучуваат краставица.

„Понекогаш само треба да ја јадете целата краставица“, е фразата на инфлуенсерот на почетокот од неговите многубројни видеа со рецепти.

Мофит има повеќе од 5,5 милиони следбеници кои речиси секојдневно ги споделуваат неговите рецепти за краставици од јули. Сепак, и покрај неговата популарност на интернет, експертите во Исланд не мислат дека недостигот на краставици е предизвикан само од трендот TikTok.

Во Хаугауп споменаа дека во овој период од годината обично има недостиг од исландска краставица. Една од причините за недостигот е почетокот на школувањето, кога се зголемува и побарувачката за овој зеленчук, јавува Би-Би-Си.