СЕКУНДИ ПРЕД ТРАГЕДИЈА – Патниците му покажале на пилотот дека се приближува хеликоптер, но ништо не му било јасно! (видео)

Во несреќата што се случи на 2. јануари, во која загинаа четири лица при судир на два хеликоптери, еден од пилотите наводно не го слушнал повикот на радиото, објави The Guardian.

Дајан и Рон Хјуз, од Нестон, Чешир, пилотот на еден од хеликоптерите и 36-годишна жена од Нов Јужен Велс загинаа околу 14 часот на австралискиот Голд Коуст.

Австралиското биро за безбедност на транспортот објави прелиминарен извештај за несреќата, каде што наведуваат дека пилотот на еден од хеликоптерите рекол дека не слушнал радио повик непосредно пред падот.

Пет минути пред несреќата, пилотот на хеликоптерот, именуван во извештајот XKQ, го започнал својот панорамски лет над водата во близина на хелиодромот.

Пилотот на вториот хеликоптер кој подоцна ја преживеал несреќата, наречен XH9, пријавил дека не го слушнал повикот од другиот пилот на XKQ, ниту пак ги видел како го напуштаат хелиодромот на паркот.

“Тоа не мора да значи дека повикот не е направен и оваа тема ќе биде предмет на детална анализа на истрагата“, се вели во извештајот.

Двајца патници во хеликоптерот XH9 забележале друг хеликоптер како им се приближува, а едниот од нив најпрвин се обидел вербално да го пренасочи пилотот.

“Со оглед на тоа што вербалното водство не функционирало, а предвидувајќи потенцијален судир, еден патник физички го предупредил пилотот“, се наведува во извештајот.

Видеото од несреќата споделено на социјалните мрежи, исто така, го потврдува извештајот, на кој се гледа како еден од патниците го удира пилотот по рамото за да го предупреди за претстојниот судир.

“Пилотот на XH9 подоцна се сети дека патник го предупредил за друг хеликоптер, но пилотот не го видел XKQ како се приближува пред судирот“, продолжува извештајот.

На височина од приближно 40 метри и 23 секунди по летот на XKQ, хеликоптерите се судрија.

Ангус Мичел, главен комесар на Австралиското биро за безбедност на транспортот, кажа дека тие објавиле извештај за да ги опишат околностите околу оваа трагична несреќа, како што во моментов се разбрани, но истрагата сè уште не е завршена.

“Нашите наоди за факторите кои придонеле за оваа несреќа и анализата што ги поддржува овие наоди ќе бидат детални во конечниот извештај што ќе биде објавен по завршувањето на нашата истрага“, додаде тој.

Истрагата ќе ги испита проблемите со кои се соочуваат двајцата пилоти и ќе ги испита околностите надвор од прашањата за радио повици и видливост.