Села ги повика албанските лидери во Македонија: Да се здружиме да ги спречиме непријателските планови кон Албанците
Зиадин Села синоќа на ТВ21 упати јавен апел до албанскиот политички фактор во Северна Македонија.
Тој бара да се здружат сите, без разлика дали се на власт или опозиција, за, како што вели, „да го спречат остварувањето на немилосрдните планови кон Албанците и другите заедници“.
„Ние сме во време кога многу добро треба да размислиме какво ќе биде однесувањето, позиционирањето, а не на Алијансата за Албанците, Беса, ДПА, или колку што знам, Демократското движење или како и да се вика во однос на ВМРО- ДПМНЕ, но во однос на македонската политика“.
Овде треба да најдеме заеднички јазик за да спречиме во иднина да реализираме планови кои не се пријателски настроени кон Албанците, но и кон другите заедници“, рече Села.
Тој зборуваше и за прашањето за албанскиот јазик, додавајќи дека тој е официјален во Македонија.
„Не можете со Уставот и со законот за јазици да креирате две категории граѓани. Еден граѓанин, еве ги оставаме Албанците, Македонец кој има еден службен јазик во Струмица и македонски државјанин кој има два службени јазици во Струга“.
„Бидејќи мора да се зачува унитарниот карактер на државата, тогаш јазикот мора да се регулира со устав и само со еден збор – „Службен јазик во Македонија е македонскиот и неговото писмо и албанскиот и неговото писмо“ и точка. Така се зачувува унитарниот карактер на државата“, изјави Села во КликПлус.
