,,Се бориме против 50.000 војници!” Зеленски потврди: Започна пеколната руска офанзива во Курск! Путин и Ким ги протеруваат Украинците од руска територија

Украинскиот претседател Володимир Зеленски потврди дека Русија распоредила речиси 50.000 војници во Курск, руски регион делумно контролиран од Украина.

Украинските трупи „продолжуваат да ја задржуваат непријателската група од речиси 50.000 луѓе во Курск, рече Зеленски во објава на Телеграм по добиениот брифинг од генералот Олександр Сирски, врховен командант на вооружените сили на Украина.

Во август, Киев ја започна својата офанзива во руската област Курск, што ја изненади не само Москва, туку и нејзините сојузници. Тогаш се зборуваше дека операцијата е неопходна, бидејќи Русија планира нов напад врз Украина од регионот.

Украинците напредуваа брзо и ја задржаа контролата над стотици квадратни километри руска територија. И додека Русија врати некои населби, линијата на контрола едвај се промени во последните месеци.

Американски официјален претставник за Си-Ен-Ен изјави дека Русија мобилизирала десетици илјади војници, вклучително и неодамна пристигнатите севернокорејски војници, за да ги нападнат украинските позиции во Курск.