СЕ ПРОДАВА ВИЛАТА НА ПРИГОЖИН: Величествениот објект има 1.200 метри квадратни, хеликоптер и пристаниште, а семејството БАРА МИЛИОНИ (ФОТО)
Вила на брегот на Црното Море која наводно му припаѓала на шефот на Вагнер, Евгениј Пригожин, се продава за сума од милион и пол долари!
На почетокот на октомври на веб-страницата за недвижности била објавена продажбата на рекреативниот центар во Геленџик. Се наведува дека објектот од 1.200 метри квадратни и парцелата ги продава правно лице кое е носител на договор за закуп од четири хектари за период од 49 години.
Забележано е и дека двокатната куќа има пет спални соби со површина од 30 до 40 метри квадратни и внатрешен простор со сауна и базен од 400 метри квадратни, а имотот има и куќа за гости од 150 квадрати метри, бањски комплекс од 250 метри квадратни, посебна кујна од 28 метри квадратни, куќа за обезбедување и персонал од 53 метри квадратни, две станбени згради од 70 метри квадратни, хелиодром, пристаниште…
– Објектот претходно се користел за рехабилитација на борците на ПМЦ Вагнер – пренесува локалниот портал Типичкрас.
Дмитриј Шевченко, локален еколошки активист од Кубан, тврди дека локацијата била изнајмена од компанијата „Турстатус“ во 2016 година и дека 76 отсто од акциите на компанијата од 2021 година му припаѓаат на синот на Пригожин, Павел.
Шевченко тврди дека локацијата во весниците е претставена како „фарма за дивеч“ иако таму нема животни и дека тоа е заобиколување на законот бидејќи подигањето ограда во шумата е прекршок.
Евгениј Пригожин и неговата десна рака Дмитриј Уткин, да потсетиме, загинаа на 24 август во падот на приватен авион во регионот Твер. Пригожин беше погребан во Санкт Петербург на Пороховските гробишта.
Некои медиуми неодамна го објавија наводниот тестамент на газдата Вагнер, според кој единствен наследник на неговиот имот е неговиот син Павел.
