Се руши сонот на Курти! Харадинај со итно соопштение – позната формула за политичка елиминација на Курти!

Претседателот на Алијансата за иднината на Косово, Рамуш Харадинај денеска предложи да се формира преодна влада во која би биле сите партии, вклучително и Самоопределување, но без актуелниот премиер Албин Курти, пренесува Економија онлајн.

По состанокот на раководството на АБК, Харадинај рече дека разговарале за начините за надминување на кризата во која се најде Косово и дека Претседателството како опција го разгледало формирањето на преодна влада до следните избори, на кои ќе бидат вклучени сите страни.

– Имавме сериозен разговор за состојбите во државата. Владата на Курти го загрозува нашето постоење, нашиот однос со нашите сојузници. Владата на Курти мора да се соочи со одговорноста за опасноста што и’ ја нанесе на земјата. Како опција го разгледавме формирањето на влада на национално единство во која до следните избори би биле сите партии, вклучително и Самоопределување, но без Курти – изјави Харадинај.

Тој додаде дека владата на Курти оди во опасна насока и дека го загрозува Косово и неговото постоење. Според него, затоа бараат негово разрешување.

– За предлогот ќе разговараме со сите пратеници во Собранието на Косово, освен со Српската листа. Според нашето уверување, разговаравме и за владата на национално единство, вклучително и Самоопределување, што ќе го врати Косово во нормала. Бесмислено е парламентот да продолжи со својата редовна работа бидејќи тоа не е нормална ситуација. Ќе соработуваме со опозицијата, за бојкот во парламентот, но и со можност за протест – рече тој.

Харадинај рече дека опасностите за Косово се реални.

– Апелирам до премиерот Албин Курти и Вјоса Османи да ги земат предвид трите барања на ЕУ. Не зависи од нас да бидеме на списокот на земји казнети од нашите сојузници – рече тој.