„Се слушам со Путин“: Меланија Трамп има директна врска со претседателот на Русија ВИДЕО

Првата дама на САД, Меланија Трамп, денес изјави дека осум украински деца се повторно обединети со своите семејства по тековните разговори со рускиот претседател Владимир Путин.

Зборувајќи со новинарите во Белата куќа, таа рече дека Путин одговорил на нејзиното писмо од август, кое американскиот претседател му го предал за време на состанокот во Алјаска.

Таа рече дека потоа воспоставиле „ отворен канал за комуникација “ во врска со благосостојбата на децата, објави Асошиејтед Прес.

„Во текот на изминатите три месеци учествувавме во неколку неформални состаноци и телефонски повици – сè со добра намера… Се согласивме да работиме заедно во корист на сите луѓе вклучени во оваа војна“, рече Меланија Трамп.

Првата дама на САД изрази надеж дека мирот во Украина „наскоро ќе биде обновен“.

„Се надевам дека мирот наскоро ќе дојде – може да започне со нашите деца“, рече сопругата на американскиот претседател.

NOW – Melania Trump says she’s having direct back-channel meetings and calls with Putin. pic.twitter.com/8sFETGajYA

— Disclose.tv (@disclosetv) October 10, 2025

Првата дама ја нагласи важноста на понатамошните дипломатски напори за решавање на оваа ситуација, истакнувајќи дека повторното обединување на децата е важен чекор напред во решавањето на хуманитарните проблеми предизвикани од војната.

Меѓународниот кривичен суд претходно објави дека издал налог за апсење на Путин за воени злосторства, обвинувајќи го за лична одговорност за киднапирањата на деца од Украина.