Се сомневал дека сопругата го труе, па поставил скриенa камерa: Кога видел што става во апаратот за кафе, останал без зборови (ВИДЕО)

Жена од Аризона се изјаснила за виновна за труење на сопругот од американските воздухопловни сили, откако била фатена како истура белило во неговиот апарат за кафе што се гледало на камерите што ги сокрил во нивниот дом.

Мелоди Феликано Џонсон се изјасни за виновна по две точки од обвинението за труење со храна или пијалоци за ставање на смртоносната хемикалија во кафематот пред Роби Џонсон да ја испие утринската шолја кафе.

Мелоди се изјасни за виновна за помали злосторства, а обвинението за обид за убиство со кое првично се соочи беше отфрлено за возврат, според локалната новинска станица.

Труењата се случиле додека парот бил во процес на развод, но тие сепак живееле заедно во куќа на воздухопловните сили во Германија и Аризона.

Роби забележал дека кафето почнало да има чуден вкус додека биле стационирани во Германија во март и се посомневал дека неговата сопруга, мајка на неговите деца, се обидува да го отруе.

„Тој изјави дека знаел дека ќе му ја истури супстанцијата во кафематот навечер, па наутро морал сам да ја вклучи за да направи кафе“, покажуваат судските документи.

Во тоа време престана да пие кафе, но продолжи да се преправа дека го пие.

Поставени скриени камери низ целата куќа

Кога се вратил во Аризона, Роби поставил скриени камери во нивниот дом за да се обиде да ја фати поранешната сопруга на дело.

На 16 јули, Мелоди беше снимена како истура течност од големо шише белило во помал контејнер во семејниот кафемат.

Неколку моменти подоцна, друга скриена камера ја снимила како влегува во кујната и ја истура содржината од помал сад во лавабото на кафематот.

Роби, исто така, се снимал како ја тестира водата од машината за кафе во обид да собере повеќе докази за да и’ ги достави на полицијата.

„Можете да го помирисате од овде. Се чувствува мирисот“, објави тој во еден клип. „Погледнете го тоа“, рече тој, извлекувајќи позитивен тест за промена на бојата од кафематот. Тоа е целосно променето.”

Во потполно неверување, Роби постојано повторувал „Леле“ и покажувал на меурчињата во држачот за вода на кафематот пред да заврши видеото.

Тој ги сподели видеата со полицијата во Тусон, која ја приведе Мелоди на 18 јули.

Воздухопловец верува дека неговата сопруга се обидувала да го убие за да ги собере неговите бенефиции за осигурување на живот, според судските документи.

Таа ќе биде осудена на 10 мај. Таа се соочува со затворска казна до две години.