Силјановска-Давкова: Европските стандарди мора да ги почитуваат сите

Претседателката на Македонија, Гордана Силјановска Давкова, попладнево се сретна со претседателот на Италија, Серџо Матарела. По средбата, Давковка во соопштение за медиумите рече дека со италијанскиот претседател е договорено европските стандарди да ги почитуваат сите земји во ЕУ и надвор од ЕУ, како што е Македонија.

Давковка најави дека на средбата италијанскиот претседател и Италија побарале гаранции за нашата европска политичка иднина.

„Имавме конструктивна средба, разговаравме за континуирана соработка, кога зборувам за соработка, не зборувам само за нашата земја, туку за целиот регион на Западен Балкан.

Претседателот потврди дека Италија ќе продолжи да ги поддржува регионот и Македонија во секоја насока, не само за интеграцијата на земјата, туку и во економијата, образованието, културата и одбраната. Се согласивме дека европските стандарди треба да ги почитуваат сите земји во ЕУ и надвор од ЕУ, како што е Македонија.

Побарав од претседателот на Италија и Италија да дадат гаранции за нашата европска политичка иднина. Претседателот рече дека е подготвен да остане со нас“, рече претседателката на Македонија, Гордана Силјановска Давкова.