Силјановска Давкова и Бајден се сликаа фатени за раце во знак на меѓусебно разбирање и поддршка (ФОТО)

Претседателката на Северна Македонија, Гордана Силјановска Давкова објави фотографија со американскиот претседател Џозеф Бајден, на која тие се држат за рака.

„Топол поздрав во знак на меѓусебно разбирање и поддршка“, напиша Силјановска Давкова на фотографијата со Бајден и неговата сопруга Џил и дека „ја изрази својата восхит од инспиративните говори на претседателот Бајден и неговата сопруга Џил на приемот за шефовите на држава“.

Силјановска Давкова, која престојува во Њујорк по повод заседанието на Генералното собрание на Обединетите нации (ОН), се сретна и со генералниот секретар на ОН, Антонио Гутереш.

,,Во случајот на македонските евроинтеграции, не смее да се дозволи билатералната да стане камен на сопнување за проширување на Европската Унија“, напиша таа на Фејсбук, алудирајќи на барањата на Бугарија.

Силјановска Давкова на Фејсбук изрази благодарност за „солидарноста на Гутереш со пречките со кои се соочуваме и за принципиелниот став дека нашата целосно заслужена европска интеграција треба да се случи што поскоро“.