Синнер и Алкараз денес го играат големото финале на Роналд Гарос: Натпреварот може да биде пресвртница во големото соперништво

Денес, на стадионот „Филип-Шатрие“ во Париз, се игра големото финале на Ролан Гарос помеѓу двајцата најдобри тенисери на денешницата, Јаник Синер (ATP:1) и Карлос Алкараз (ATP:2), и според сè, нè очекува вистински спектакл.

Синнер стигна до финалето без да изгуби сет. Во полуфиналето, тој ја потврди својата одлична форма победувајќи го Новак Ѓоковиќ со непречени 3:0, а на ГС турнирите израмни 20 последователни победи.

Со титулите на Австралија Опен и САД Опен, Синнер сега има можност да го освои својот прв Ролан Гарос како потврда за неговата апсолутна доминација.

Сепак, во финалето го чека актуелниот бранител на титулата Карлос Алкараз, кој се обидува да стане само третиот тенисер на овој век (по Рафаел Надал и Густаво Куертен) кој успеал да ја одбрани титулата на Ролан Гарос.

Иако Алкараз загуби неколку сета за време на турнирот, неговата супериорност на земјена подлога не е доведена во прашање, бидејќи минатиот месец ги освои титулите во Монте Карло и Рим, каде што беше подобар од Синнер во финалето.

Ова е нивно прво заедничко финале на Гренд слем турнир и нивниот 12-ти натпревар во кариерата. Алкараз моментално води со 7-4 и има четири победи по ред.

Алкараз (4:0) и Синнер (3:0) никогаш не загубиле во финале на Гренд слем, па затоа денешното финале сигурно ќе биде пресвртница во нивните кариери и нивното растечко соперништво.

Натпреварот помеѓу Синнер и Алкараз започнува во 15 часот, а можете да го следите во живо на Eurosport.