Сите се прашуваат зошто? Армани бил погребан како „обичен“ човек, а еве ја причината (ФОТО)

Легендарниот моден дизајнер Џорџо Армани, човекот кој ги облекуваше најголемите ѕвезди, беше погребан во тајност, подалеку од очите на јавноста, токму како што сакаше.

Церемонијата во неговото родно село Ривалта ди Гацола, во близина на Пјаченца, беше сè само не гламурозна.

Наместо стотици познати личности, на збогувањето имаше само околу триесет луѓе. Освен неговата сестра, внук и долгогодишен партнер Лео Дел’Орко, никој друг.

Стотици бели рози, идентични на оние од мртовечницата во Милано, ја украсија црквата. И покрај ограничениот пристап, стотици граѓани се собраа пред влезот во селото, кој беше блокиран од 14 часот, за да оддадат почит.

Погребот траеше цели четири часа, а на медиумите им беше строго забранет влезот. Целото село беше затворено за посетители, додека продавниците на Армани низ целиот свет ги затворија своите капаци во знак на жалост.

Додека Пјаченца и Милано прогласија ден на жалост, телото на Армани беше пренесено во семејната гробница на неговиот имот.

Причината зошто  Џорџо Армани беше погребан на толку едноставен и приватен начин, далеку од очите на јавноста и гламурот, лежи во неговата последна желба.

И покрај тоа што беше еден од најмоќните мажи во светот на модата и ги облекуваше најпознатите ѕвезди на Холивуд, Армани секогаш ја одржуваше својата приватност. Не сакаше публицитет и се обидуваше да го држи својот живот подалеку од рефлекторите.

Неговиот погреб, во најтесниот круг на семејството и најблиските соработници, беше одраз токму на тој став. Тој не сакаше помпезност, прослава или медиумски циркус, туку мирно и достоинствено збогување во неговото родно место, Ривалта.

Иако го нема, неговата империја ќе продолжи да живее. Можеме само да се надеваме дека неговите соработници ќе продолжат да градат модна империја, токму онаква каква што тој сакаше.