Скалите на Базиликата Сакре кер во Париз обоени со боите на палестинското знаме

Скалите што водат до значајната Базилика на Светото срце (Базилика Сакре кер) во францускиот главен град Париз се обоени во боите на палестинското знаме.

Овој потег беше направен во знак на протест против нападите на Израел врз Газа и за да се покаже солидарност со Палестинците.

На ѕидот што води до Базиликата Сакре кер, исто така, беа испишани графити со натпис „Слободна Палестина“.

Минатиот месец, скалите „Курс Жилен“, една од туристичките дестинации во јужниот француски град Марсеј, беа обоени во боите на палестинското знаме во знак на протест против тековните напади на Израел во опколената енклава.

Израел започна смртоносна офанзива врз Газа по нападот на палестинската група Хамас на 7 октомври, при што загинаа најмалку 27.585 Палестинци, а беа повредени 66.978 други.

Израелската офанзива остави 85 отсто од населението во Газа внатрешно раселено поради сериозен недостиг на храна, чиста вода и лекови, додека 60 отсто од инфраструктурата на енклавата се оштетени или уништени, според ОН.