Скриен стан на врвот на Ајфеловата кула! Речиси никој не знае дека постои, но крие важна тајна – внатрешноста е зачудувачка
Долго време станот на Ајфеловата кула беше скриен од очите на јавноста, а многумина не ни знаеја дека постои.
Денес, сепак, можеме да ѕирнеме внатре во овој скриен стан со најубав поглед во градот на светлината и да го почувствуваме препознатливиот дух на Париз од 19 век.
Ајфеловата кула беше отворена во 1889 година и беше дизајнирана специјално за Светскиот саем во Париз истата година. Денес е симболот на овој град, а од неговото создавање, на највисоко ниво, криел стан кој му припаѓал на францускиот конструктор Густав Ајфел, познат во светот токму по изградбата на Ајфеловата кула.
Едно време, Ајфел имаше стан на самиот врв на најпознатата кула во светот со прекрасен стилски мебел и концертно пијано. Тој често го користел за собири со истакнати и значајни личности од тоа време, вклучувајќи го и Томас Едисон, со кого разговарал за најновиот изум на Едисон – грамофонот – преку пури и коњак.
Денес, покрај автентични предмети, во внатрешноста на овој стан се изложени и реплики на Густав Ајфел и неговите современици. Станот ја оживува автентичната атмосфера на ерата во која е создаден бидејќи ги содржи сите препознатливи карактеристики на скромниот париски дом од 19 век, вклучувајќи препознатливи теписи, тапети, гардероба, како и мала спална соба.
За атрактивноста на ова место уште додека живеел Ајфел сведочат записите на гордиот сопственик, кој открил дека добил бројни понуди да го изнајми овој простор барем за една ноќ, а некои за возврат понудиле вистинско мало богатство. Секако, сите беа одбиени.
