“СО БОЖЈА ПОМОШ ЌЕ ГО ПОБЕДИМЕ ЗАПАДОТ!“ – Шокантни изјави на пропагандистите на Путин: “Да се бориш за мир е како водење љубов за да ја изгубиш невиноста“ (видео)
Маргарита Симонјан, главен и одговорен уредник на руската државна телевизија Russia Today и еден од најпознатите пропагандисти на претседателот Владимир Путин, неодамна во емисијата на друг пропагандист Владимир Соловјов изјави дека војната во Украина е борба помеѓу Русија и целиот Запад, во која Русија на крајот ќе победи и ќе се покаже како „најголемата земја во светот“.
Во видеото објавено на социјалната мрежа Твитер и преведено од новинарката Џулија Дејвис, Симонјан одговараше на прашањата на водителот на емисијата „Русија 1“, Владимир Соловјов, откако тој кажа дека – „големата цел на Русија е да го спаси светот“.
„Сакам да ви кажам директно пред камера, извинете на изразот – нашата програма се емитува доцна навечер – борбата за мир е како кога имате сексуален однос за прв пат односно ја губете невиноста. Кога ќе го сфатите ова, можеби ќе бидете помалку лицемерни“, порача таа во монолог тврдејќи дека инвазијата на Владимир Путин е неопходна.
„Да разбереме против кого се бориме. Не се бориме против Украина, ја победивме Украина во првите два-три дена. Потоа почна војната со НАТО, а не само со Алијансата, бидејќи има прокси војна меѓу Москва и остатокот од светот“, изјави таа.
Таа кажа дека оваа војна е „значајна“ и дека, според неа, на Москва и била многу потешка од Втората светска војна, бидејќи барем тогаш се борела на страната односно заедно со Велика Британија, Франција и САД.
„Бевме со нив против неколку моќни земји. Меѓутоа, сега се бориме против целиот западен свет“, порача таа, мислејќи на Германија, Италија и Јапонија.
Таа, исто така, кажа дека за разлика од Втората светска војна, Москва нема вистински сојузници во Украина, бидејќи земјите кои би можеле да и подадат рака, како што се Индија и Кина, се премногу „исплашени“.
Таа кажа и дека Русија ќе победи со Божја помош и дека само Москва ќе ја преземе заслугата за таа победа. Според неа, таа победа нема да значи само заземање на Бахмут или градовите во Доњецк за кои битките се водат со месеци, туку дека Русија ќе го „победи целиот западен свет“.
