Спектакуларниот пад на една од најмоќните американски компании

„ЈунајтедХелт Груп“, една од најголемите американски корпорации и членка на престижниот индекс Дау Џонс, одеднаш е во сериозна криза.

Кризата во „ЈунајтедХелт“ кулминираше оваа недела кога извршниот директор Ендру Вити ненадејно поднесе оставка од „лични причини“.

Компанијата, исто така, брзо ги повлече своите финансиски прогнози, обвинувајќи го за зголемување на медицинските трошоци, според Си-Ен-Ен.

И потоа „Волстрит џурнал“ објави дека „ЈунајтедХелт“ е под федерална кривична истрага за можна измама со Медикер.

Овие настани ги шокираа инвеститорите, предизвикувајќи драматичен пад на довербата. Акциите на „ЈунајтедХелт“ (UNH) изгубија половина од својата вредност – огромни 288 милијарди долари – за само еден месец.

Тоа е спектакуларен пад на една од најмоќните американски компании и најголемиот здравствен осигурител во земјата.

Проблемите на „ЈунајтедХелт“ доаѓаат речиси точно шест месеци по убиството во срцето на Менхетен на Брајан Томпсон, еден од врвните директори на компанијата, што го зголеми гневот на јавноста кон здравствениот систем.

Според WSJ, тимот за истрага на здравствени измами на Министерството за правда истражува можна измама во програмата Медикер.

„ЈунајтедХелт“ одговори со соопштение на својата веб-страница, нарекувајќи го извештајот „длабоко неодговорен“, бидејќи самиот весник признава дека природата на можните обвинувања е нејасна.

Министерството за правда не даде коментар за случајот.