Спиењето заедно со вашите домашни миленици може да создаде сериозни здравствени проблеми! Ги погодува и децата и возрасните – ова се симптомите

Еве зошто не е добро да спиете со домашните миленици!

Љубовта на сопствениците кон нивните домашни миленици, поточно кучињата, не се опишува со зборови. Тие се едноставно составен дел од семејството. Честопати, сопствениците знаат да одат секаде со нив, па дури и да спијат заедно. Сепак, според експертите, тие треба да ја избегнуваат оваа навика.

Д-р. Дебора Ли вели дека вашето куче ќе остави делови од својот првут во вашиот кревет, што може да биде опасно. Поконкретно, според неа, првутот од домашните миленици може да предизвика сериозни респираторни проблеми при вдишувањето и сериозна реакција на вашата кожа кога ќе дојде во контакт со неа.

„Опаѓањето на влакната кај домашните миленици е особено изразено во пролет и може да доведе до ескалација на проблемите со алергиски ринитис, дерматитис, уртикарија и астма“, објаснува докторката.

Често погрешно се претпоставува дека влакната се водечка причина за овие ризици, но всушност мртвите клетки на кожата (првут) може да предизвикаат сериозни здравствени проблеми.

„Првутот од домашните миленици е честа причина за алергија кај децата и возрасните. Кога вдишувате честички од животински првут во вашите бели дробови, имуните клетки на вашето тело го препознаваат антигенот на кучето или мачката како туѓа супстанција која претставува закана за вашето здравје. Се активира воспалителна реакција и се ослободува антителото“, објаснува д-р. Ли, додавајќи дека клетките познати како мастоцити ослободуваат хистамин, кој предизвикува контракција на мазните мускули, што доведува до стеснување на дишните патишта.

Таа додава и дека хистаминот, исто така, предизвикува зголемување на бронхијалните секрети и оток, создавајќи типични непријатни симптоми на астма како што се кашлање, отежнато дишење, стегање во градите и слично.