Србин силувал деца во Котор: Осуден на 17 години затвор, од сопругата одземени се девет деца

Српски државјанин кој живее во Котор е осуден на 17 години затвор за киднапирање и силување на децата на сопругата од првиот брак.

– Тој е прогласен за виновен за сторено продолжено кривично дело злоупотреба на службената положба и едно кривично дело силување и е осуден на единствена затворска казна од 17 години – стои во документот на Апелација со кој е потврдено продолжување на притворот на ова осудено лице.

По пресудата, на српскиот државјанин му е продолжен притворот поради опасност од бегство и поради тоа што со неправосилна пресуда е прогласен за виновен за кривично дело за кое со закон може да се изрече затворска казна од 10 години или потешка казна а постојат и тешки околности кои даваат карактер на особено тежок прекршок, поради методите на извршување и последиците што произлегуваат од тоа.

Во образложението за продолжување на притворот, се наведува и дека обвинетиот е прогласен за виновен за сторено кривично дело кое го извршувал подолго време, на штета на децата на кои им бил очув и со кои живеел во семејното домаќинство.

– Извршеното кривично дело е дополнително сериозно поради трајните последици што ги носат децата како жртви на сексуално насилство, што сето тоа укажува дека ова кривично дело е особено сериозно како по начинот на извршување, така и по последиците што произлегуваат од тоа, се наведува во решението на Апелација.

Една година пред апсењето на осомничениот, социјалните служби му ги одзеле деветте деца и на сопругата, три сина и шест ќерки. Најмалото дете тогаш имало две, а најстарото 15 години.