Ставен под контрола пожарот над месноста Брушани кај Тиквешко Езеро
– Ставен е под контрола пожарот над месноста Брушани кај Тиквешко Езеро, информираа вечерва од кабинетот на градоначалникот на Кавадарци, Митко Јанчев.
-Шест пожарникари, две возила од ТППЕ Кавадарци и Шумското, интервенираат на пожарот кој настана во населба Брушани, Тиквешко езеро. Пожарот е локализиран, под контрола и нема поголеми штети, соопштија од кабинетот на градоначалникот.
Од Територијалната противпожарна единица Кавадарци апелираа до населението за совесност и внимателност, со цел, да не се предизвикуваат пожари.