Стигна ново и важно предупредување за оние кои пијат кока кола и други пијалоци без шеќер, секој што ги консумира нека го прочита ова
Вештачките засладувачи, кои се наоѓаат во диеталната кока-кола и гуми за џвакање без шеќер, може да го зголемат ризикот од дијабетес тип 2, предупредуваат научниците, пренесува британски Сан.
Новиот совет на Светската здравствена организација (СЗО) вели дека замената на шеќерот со засладувачи нема да ви помогне да изгубите тежина и може да предизвика рак.
СЗО сугерира дека луѓето не треба да се свртуваат кон засладувачи без шеќер како аспартам, сахарин…
Наместо тоа, тие треба да размислат да јадат храна со природни шеќери, како што е овошјето, како и да се држат до незасладена храна и пијалоци.
Една нова студија, објавена во Diabetes Journal, покажа дека луѓето кои консумираат вештачки засладувачи се изложени на зголемен ризик од дијабетес тип 2 во споредба со оние кои не консумираат.
Истражувачите напишаа: „Овие наоди ги зајакнуваат доказите дека овие адитиви можеби не се безбедна алтернатива на шеќерот.
Исто така, дава важни сознанија во контекст на тековната светска реевалуација на вештачките засладувачи од страна на здравствените власти.
Француските научници девет години ја анализирале исхраната и здравјето на 105.588 луѓе. До крајот на студијата, 972 учесници развиле дијабетес тип 2.
Експертите откриле дека оние кои консумирале помеѓу 16 и 18 mg вештачки засладувачи дневно имале 69 отсто поголеми шанси да ја развијат оваа состојба отколку оние кои јаделе помалку.
Додека оние кои јаделе и пиеле производи кои содржат аспартам имале 63 отсто поголеми шанси да ја развијат болеста.
Посебен извештај на Заедничкиот експертски комитет на ФАО/СЗО за адитиви во храната (JEFCA) пресуди дека сегашните дневни ограничувања за аспартам се безбедни.
Тоа е околу 40 mg на кг телесна тежина – помеѓу девет и 14 лименки – дневно.
Независни експерти велат дека тоа не значи дека луѓето треба да се стремат да пијат таа количина, бидејќи тоа може да предизвика други здравствени проблеми.
Меѓутоа, во коментарите многумина изјавија дека дијабетесот го предизвикува внесување на премногу шеќери и јаглехидрати, а многумина велат дека треба да се пијат пијалоци со „нула шеќер“ и гуми за џвакање за да не се „провоцира“ инсулин. Се поставува прашањето кој механизам во засладувачите без шеќер предизвикува дијабетес. Секако, доколку понатамошните истражувања го поддржат овој „наод“, нè очекува уште еден пресврт.
Но, едно е сигурно – луѓе, пијте вода, јадете малку или без шеќер и консумирајте природни производи. Оставете ја фабричката храна, соковите…
