Столтенберг: Имаме историска можност за мир меѓу Србија и Косово

Генералниот секретар на НАТО, Јенс Столтенберг, изјави дека неодамнешните чекори за нормализирање на односите меѓу Косово и Србија се „историска можност за мир“.

Говорејќи на заедничката прес-конференција со албанскиот претседател Бајрам Бегај, Столтенберг го поздрави „конструктивниот пристап“ што минатата недела го покажале српскиот претседател Александар Вучиќ и косовскиот премиер Албин Курти за време на нивните разговори во Брисел.

Лидерите го поддржаа текстот на предлогот на ЕУ за нормализирање на односите меѓу Косово и Србија и се согласија дека техничките разговори треба да продолжат отсега натаму за конкретните чекори за спроведување на предлогот.

„Сега имаме историска можност за траен мир што може да биде од корист за целиот регион“, рече Столтенберг, пофалувајќи ја „флексибилноста и подготвеноста за компромис“ што ја покажале страните.

Истовремено тој нагласи дека секое решение за спорот меѓу Косово и Србија мора „да го земе предвид целосното почитување на човековите права, демократските вредности и владеењето на правото за домашните реформи и добрососедските односи“.

Столтенберг, исто така, истакна дека НАТО е „посветен да продолжи да придонесува и да обезбедува присуство“ на мисијата КФОР предводена од НАТО на Косово.

Косово ја прогласи својата независност од Србија во 2008 година, при што повеќето земји членки на ОН, вклучувајќи ги САД, Велика Британија, Франција, Германија и Туркије, го признаа како посебна автономна земја. Сепак, Србија и понатаму го смета за своја територија.

ЕУ посредува во дијалогот Србија – Косово, со цел да ги намали тензиите и да ги реши проблемите, според ТРТ Балкан.