Страшна експлозија во Волгоград: Снимен моментот на ужасниот напад со дрон, пламенот проголта сè пред себе (ВИДЕО).

Во Волгоград, дрон погоди голем руски арсенал, што доведе до повеќе експлозии, според очевидци.

Украина не ја презеде одговорноста за нападот. Според очевидци, во средата вечерта бил погоден арсенал во регионот Волгоград во југозападна Русија.

Руските медиуми објавија дека мештаните прво слушнале звук карактеристичен за дрон, по што се слушнале силни експлозии кои доведоа до пожар.

На видеата, кои беа објавени на социјалните мрежи, може да се види точниот момент на детонација на експлозиите.

Според независниот руски медиум Астра, по експлозиите биле евакуирани 630 луѓе, меѓу кои 379 воени лица, 251 државен службеник и три деца.

Сепак, „нема жртви или оштетувања на цивилни објекти“, рече регионалниот гувернер Андреј Бочаров на својот профил на Телеграм.

Андреј Јусов, претставник на украинската разузнавачка служба, ниту ја потврди, ниту демантираше вмешаноста на Украина во разговорот со украинската новинска агенција Хромадске.

Но, тој посочи дека е погоден арсеналот на руската „Главна ракетна и артилериска управа“, воена единица број 57229-51, во која има артилериска муниција.

Бочаров го потврди пожарот во неговиот регион, но не изјави дека ја знае неговата причина.

– Пожар избувна на територијата на една од воените единици кај селото Котлубан. Пожарникарите од подрачната единица на Министерството за вонредни состојби и Министерството за одбрана навремено го локализираа и изгаснаа пожарот – рече тој.