СТРАШНА ТРАГЕДИЈА ВО ЦРНА ГОРА: Брановите ги фрлале капачите на карпи, едно лице се удавило, тројца повредени!
Едно лице го загуби животот, а три се повредени во инцидентот што се случи околу 18 часот во заливот Траште, на карпите меѓу заливот Пржа (Син хоризонт) и населбата Марина на туристичкото место залив Луштица во Кртоли кај Тиват.
Според неофицијални информации, млад човек се удавил во брановите подигнати од силниот југ, а три лица се повредени – најверојатно кога брановите ги фрлиле на карпите на брегот.
Помош за повредените пружила екипа на Службата за вонредни ситуации од комплексот Луштица Беј, која и покрај многу тешките услови на море, успеала да го извади телото на удавениот.
За инцидентот била информирана и Управата за поморска безбедност и управување со пристаништа на Црна Гора (УПСУЛ), која ги координирала напорите на спасувачките служби.
Околу 19 часот и 15 минути, УПСУЛ доби и дојава дека во морето кај Перазиќ дол е забележано уште едно безживотно тело. Екипата на УПСУЛ отишла на одредената локација за да го извади телото на удавениот.
Во акцијата за вадење на телото, кое било пренесено во пристаништето на заливот Луштица, каде било предадено на полицијата и медицинските лица кои можеле само да констатираат смрт, покрај пловилото на Итната служба на заливот Луштица, учествувал и глисер со екипаж на компанијата „Уна“ од Тиват.
Инаку, УПСУЛ денеска имаше дури пет акции за спасување на капачите на плажата Велика во Улцињ, чии животи беа загрозени поради невнимание и непочитување на црвените знамиња кои беа истакнати на плажите за капачите поради опасноста предизвикана од големите бранови и силниот јужен ветер.
