Страшни поплави ја зафатија Европа, погинаа 5 лица: Страшна снимка се шири на интернет, армијата распореди хеликоптери (ФОТО, ВИДЕО)

Најмалку пет лица загинаа во страшните поплави кои синоќа ги погодија Франција, Швајцарија, како и делови од Германија, Италија и Шпанија.

Три лица во Франција загинаа во саботата вечерта кога дрво падна врз возило поради силниот ветер , соопштија официјални лица.

Уште еден патник е во критична состојба. Сите се во нивните 70-ти или 80-ти години.

Во  Швајцарија, спасувачките тимови пронајдоа две тела во областа Фонтана , северозападно од Тесин, се вели во соопштението на кантоналната полиција.

Локалниот весник „Ла Регион“ објави дека жртвите се двајца швајцарски туристи.

Од саботата попладне неколку делови на Швајцарија се погодени од невреме со грмотевици и обилни врнежи.

Жителите на Прато-Сорник и долината Магија во Тесин беа повикани во неделата наутро да ги евакуираат своите куќи во близина на реката Магија.

Во градот Монџо 70 луѓе се евакуирани од одморалиштето. Според кантоналната полиција, морале да се напуштат и камповите покрај реката.

Поплавата блокирала неколку патишта, а водата однела мостови.

Покрај тоа, неколку долини во близина на долината Магија повеќе не беа достапни, а некои области беа исклучени од снабдувањето со електрична енергија.

Акцијата за спасување во долината била отежната поради лошите временски услови, соопшти претходно полицијата.

Армијата распореди неколку хеликоптери во Тесин и во погодениот кантон Вале во југозападна Швајцарија.

Според швајцарската служба за предупредување при катастрофи Alertswiss, делови од Тесин останале без вода за пиење.

Спасувачките служби размислуваат и како да евакуираат 300 лица кои дошле на фудбалски турнир во општина Печија.

Потсетуваме, во Германија каде се одржува Европското фудбалско првенство, натпреварот помеѓу Германија и Данска мораше да биде прекинат поради силно невреме, силен дожд и град.