Суарез повторно гризна, но овојпат соиграч: Погледнете ја реакцијата кога сфати дека е негов пријател (видео)

Легендарниот уругвајски фудбалер Луис Суарез е познат по тоа што во текот на кариерата ги гризеше ривалите на теренот, а двете најпознати ситуации се кога ги гризна Џорџо Киелини и Бранислав Ивановиќ.

Суарез синоќа имаше уште еден таков момент, а овојпат го гризна, верувале или не, сопствениот соиграч од Интер Мајами.

Во еден момент на теренот се појавија искри меѓу фудбалерите на Интер и ЛА ФК, а тоа не можеше да се случи без Суарез во центарот на настанот.

Суарез се мачеше со противничките играчи, лево беше соиграчот Жорди Алба, кој во еден момент беше гризнат за рака од Уругваецот.

Очигледно, Суарез мислел дека се работи за тупаница од противнички играч, која му била многу блиску до главата, а неговата реакција кога сфатил дека го гризе долгогодишниот пријател и легенда на Барселона брзо стана хит.

Алба претходно се пожали на повреда, а по контактот со Суарез падна на теренот од болки.

На крајот, натпреварот од Купот на шампионите на КОНКАКАФ заврши со резултат 3:1 во корист на Интер, кој со тоа се пласираше во полуфиналето на ова натпреварување. Лионел Меси постигна два погодоци, додека Редондо Солари постигна еден гол. Лонг беше единствениот стрелец за ЛА ФК.