Тага: Почина легендарниот Дитер Линднер

Многу тажна вест доаѓа од Германија, каде на 85-годишна возраст почина легендарниот фудбалер и функционер Дитер Линднер , кој остави најдлабока трага во Ајнтрахт Франкфурт .

Линднер целата своја играчка кариера ја помина во Франкфурт, каде играше од 1956 до 1971 година и за тоа време забележа 321 настап и постигна 54 гола.

По играчката кариера стана претседател на овој клуб. Со Франкфурт играше и во финалето на Купот на шампионите, кога неговиот тим беше поразен од Реал Мадрид со 7:3.

Тој никогаш не го остави Франкфурт на цедило, но и повторно се активира како играч во 1970 година, кога овој тим беше во криза, им помогна да останат во Бундеслигата.

Актуелниот претседател на клубот Матијас Бек проговори за смртта на легендарниот Линднер.

– Со Дитер Линднер губиме уште еден играч од нашата шампионска генерација од 1959 година. Дитер не само што напиша фудбалска историја, туку и несебично му служеше на Ајнтрахт Франкфурт по кариерата. Ајнтрахт му должи многу.