Таравари: Во тек се постапки за 1.200 вработувања во здравството и набавка на инсулин

Министерот за здравство Арбен Таравари денеска изјави дека во тек се постапки за 1.200 вработувања во здравството, како и за набавка на инсулин.

Како што вели, постапката за 1.200 здравствени работници е во тек, а некои болници веќе објавиле огласи.

„Постапката за набавка на инсулин е во тек. Не дека секаде има недостиг, едноставно има недостиг на одредени места. Но, генерално, инсулин има на целата територија. Се надевам дека многу брзо ќе кажеме кој е добавувачот и набавката ќе биде завршена. Сепак, не е дека секаде нема снабдување“, рече министерот.

Инаку, денеска Лигата на здруженија на дијабетичари побара Министерството за здравство и Владата да обезбедат навремена терапија за лицата со дијабетес.