Таравари: Горд сум што ја напуштивме Владата, ние сме победници на изборите во октомври
Претседателот на Алијансата за Албанците, Арбен Таравари, преку статус на својата Фејсбук страница реагираше на излегувањето на Алијансата од Владата.
Таравари пишува дека се чувствува горд на одлуката, објаснувајќи дека и покрај тоа што некои поединци се обидуваат да ја прикажат AА како поделена, тие во моментов се посилни од кога било.
Целосен статус:
„Драги пријатели, колеги, активисти, луѓе што ги познавам и не ги познавам директно:
Горд сум на секој од вас што е дел од Алијансата за Албанците!
Горд сум на сите вас што цврсто стоевте при нашето излегување од Владата!
И на оние кои се обидуваат да нè прикажат како поделени, ви велам – вашата серија не е успешна!
Гордо сме посилни од кога било!
Не заборавајте:
Ние сме победниците во октомври!“
Потсетуваме дека реакцијата на Таравари дојде откако Азир Алиу од АА-Таравари изјави дека ќе остане во коалицијата ВЛЕНТ иако неговата партија одлучи да ја напушти владата.
