Таравари: Легитимно е да се зборува за нов Устав кој ќе биде пофункционален

Претседателот на Алијансата за Албанците, Арбен Таравари, го искажа својот став за потребата од отворена дебата по изборите за измена на Уставот и ново уредување на државната структура, пренесува Телеграф Македонија.

Таравари истакна дека тоа не е националистичка позиција, туку перспектива насочена кон пофункционален систем и континуиран развој на државата.

„Легитимно е да се зборува за нов Устав, ако сегашниот е 100 пати закрпен. Легитимно е да се зборува за нов кој ќе биде многу пофункционален и ќе овозможи земјата да се развива многу подобро отколку што е сега. Тоа не се националистички изјави, иако некои ги доживуваат како такви. Ова е мојот вистински изглед. Ние како политичари имаме должност да ја гледаме проекцијата како ќе изгледа државата во иднина. Имаме обврска да кажеме некои работи, па ќе видиме дали сме биле во право“, изјави Таравари за „Студио“.

Тој, исто така, ја изрази својата загриженост за недостигот на активности во насока на децентрализација, нагласувајќи дека по 15 години дискусии сè уште не е преземено ништо конкретно во оваа насока.

Таравари додаде дека е време за отворен дијалог и промени кои ќе доведат до поефикасна и потранспарентна државна структура за иднината на државата.