Таравари ја разрешува и директорката на Токсикологија, Бесија Илјазин

Министерот за здравство Арбен Таравари го исполни ветувањето што го даде вчера. Тој денеска ги потпиша решенијата за разрешување на повеќе економски директори на скопските клиники, меѓу кои и Бесија Иљазин, в.д економски директор на Клиниката за токсикологија.

По завршувањето на управните процедури во правната служба, освен Иљаз, разрешени се и економските директори на Клиниките за дерматологија, физикална медицина, стоматологија, психијатриска клиника, ендокринологија, неврологија и максилофацијална хирургија.

Вчера Таравари рече дека ќе започне со разрешување на економските директори на кои им истече мандатот, а постапката ќе продолжи и за други кои ја вршат оваа функција, но откако ќе се направат потребните законски измени.

Таравари рече дека очекува по два месеци да нема повеќе економски директори.