Тачи, Весели, Красниќи и Селими се декларираат како невини

Партиите се договорија обвиненијата да не се читаат во целост, бидејќи тие се веќе познати од времето кога беа објавени пред извесно време.

Поради ова, обвинителот само ги прочита точките од обвинителниот акт кои во меѓувреме се изменети.

Претседавачот на судечкото тело еден по еден ги праша обвинетите дали ги разбираат точките од обвинението и побара да се изјаснат дали се чувствуваат виновни или невини.

„Го разбирам обвинението и целосно сум невин“, изјави Хашим Тачи.

Слично беше прашан и Кадри Весели.

„Го изразувам моето незадоволство за отпочнувањето на овој судски процес со 2 и пол години доцнење“, рече прво Весели. „Го потврдувам и разбирам обвинението и сум целосно невин.

Побара да се изјасни и Реџеп Селими. „Уште еднаш кажувам дека сум невин по сите точки од обвинението“, рече тој.

Се бараше и самоизјаснување од Јакуп Красниќи. „Тешко ми е да го разберам ова обвинение бидејќи немам никаква врска со ова обвинение“, рече прво Красниќи.

„Го разбирам обвинението како што е, но не сносам никаква одговорност за која се зборува во обвинението“, рече Красниќи. „Јас сум целосно невин.

Обвинетите потоа биле информирани за нивните права и обврски.